سورة الحشر - آیت 22

هُوَ اللَّهُ الَّذِي لَا إِلَٰهَ إِلَّا هُوَ ۖ عَالِمُ الْغَيْبِ وَالشَّهَادَةِ ۖ هُوَ الرَّحْمَٰنُ الرَّحِيمُ

ترجمہ مکہ - مولانا جوناگڑھی صاحب

وہی اللہ ہے جس کے سوا کوئی معبود نہیں چھپے (١) کھلے کا جاننے والا مہربان اور رحم کرنے والا۔

تفسیر ثنائی - ثنا اللہ امرتسری

سنو جی اس قرآن کی اصل تعلیم یہ ہے کہ بندوں کو اللہ کی معرفت کرائے۔ چنانچہ اس کی معرفت کا پہلا سبق یہ ہے کہ وہ اللہ جس کی طرف تم کو بلایا جاتا ہے وہی اللہ ہے جس کے سوا کوئی دوسرا معبود نہیں حاضر غائب سب کو جاننے والا ہے وہی سب سے بڑا رحم کرنے والا بڑا مہربان ہے