سورة النبأ - آیت 30

فَذُوقُوا فَلَن نَّزِيدَكُمْ إِلَّا عَذَابًا

ترجمہ جوناگڑھی - محمد جونا گڑھی

اب تم (اپنے کئے کا) مزہ چکھو ہم تمہارا عذاب ہی بڑھاتے رہیں گے۔

تفسیر السعدی - عبدالرحمٰن بن ناصر السعدی

﴿فَذُوْقُوْا﴾ ” پس چکھو۔“ اس دردناک عذاب اور دائمی رسوائی کو اے جھٹلانے والو! ﴿فَلَنْ نَّزِیْدَکُمْ اِلَّا عَذَابًا﴾ ” ہم تم پر عذاب ہی بڑھاتے جائیں گے ۔“ پس ہرآن اور ہر وقت ان کا عذاب بڑھتا رہے گا ۔اہل جہنم کے عذاب کی شدت کے بارے میں یہ سخت ترین آیت ہے ۔ اللہ تعالیٰ ہمیں جہنم سے بچائے۔