سورة المعارج

يَوْمَ تَكُونُ السَّمَاءُ كَالْمُهْلِ

جس دن آسمان مثل تیل کی تلچھٹ کے ہوجائے گا۔

پھر اللہ تعالیٰ نے اس دن کی ہولناکیوں اور ان امور کا ذکر فرمایا جو اس میں واقع ہوں گے، چنانچہ فرمایا : ﴿يَوْمَ﴾ یعنی قیامت کے دن جس میں یہ بڑے برے واقعات وقوع میں آئیں گے ﴿تَكُونُ السَّمَاءُ كَالْمُهْلِ﴾” آسمان ہوجائے گا مہل کی طرح۔ “ اور وہ پگھلا ہوا سیسہ ہے ۔ آسمان کے پھٹ جانے اور بے انتہا ہولناکی کے باعث آسمان پگھلے ہوئے سیسے کی مانند ہوجائے گا۔