سورة الذاريات - آیت 41
وَفِي عَادٍ إِذْ أَرْسَلْنَا عَلَيْهِمُ الرِّيحَ الْعَقِيمَ
ترجمہ جوناگڑھی - محمد جونا گڑھی
اسی طرح عادیوں میں (١) بھی (ہماری طرف سے تنبیہ ہے) جب کہ ہم نے ان پر خیر و برکت سے (٢) خالی آندھی بھیجی۔
تفسیر السعدی - عبدالرحمٰن بن ناصر السعدی
﴿وَفِیْ عَادٍ﴾ ’’اور عاد میں بھی۔،، نشان عبرت ہے جو ایک معروف قبیلہ تھا ﴿ اِذْ اَرْسَلْنَا عَلَیْہِمُ الرِّیْحَ الْعَقِیْمَ﴾ جب انہوں نے اپنے نبی ہود علیہ السلام کو جھٹلایا تو ہم نے ان پر نامبارک ہوا بھیجی جو خیر سے خالی تھی۔