سورة الذاريات

ذُوقُوا فِتْنَتَكُمْ هَٰذَا الَّذِي كُنتُم بِهِ تَسْتَعْجِلُونَ

اپنی فتنہ پردازی کا مزہ چکھو (١) یہی ہے جس کی تم جلدی مچا رہے تھے۔

﴿ ذُوقُوا فِتْنَتَكُمْ﴾ آگ اور عذاب کا مزا چکھو یہ اس فتنے کے اثرات ہیں جس میں وہ مبتلا ہوئے، جس نے انہیں کفر اور گمراہی میں دھکیل دیا تھا۔ ﴿ هَـٰذَا﴾ یہ عذاب جس میں تم ڈال دیے گئے ہو ﴿ الَّذِي كُنتُم بِهِ تَسْتَعْجِلُونَ﴾ ’’وہی ہے جس کے لئے تم جلدی مچایا کرتے تھے۔“ پس اب مختلف انواع کی عقوبتوں، سزاؤں، زنجیروں، بیڑیوں، اللہ تعالیٰ کی ناراضی اور عذاب کا مزہ چکھو۔