سورة الفلق - آیت 4

وَمِن شَرِّ النَّفَّاثَاتِ فِي الْعُقَدِ

ترجمہ جوناگڑھی - محمد جونا گڑھی

اور گرہ (لگا کر ان) میں پھونکنے والیوں کے شر سے (بھی) (١)

تفسیر مکہ - حافظ صلاح الدین یوسف حافظ

* نَفَّاثَاتٌ، مونث کا صیغہ ہے، جو النُّفُوسُ (موصوف محذوف) کی صفت ہے مِنْ شَرِّ النُّفُوسِ النَّفَّاثَاتِ یعنی گرہوں میں پھونکنے والے نفسوں کی برائی سے پناہ۔ اس سے مراد جادو کا کالا عمل کرنے والے مرد اور عورت دونوں ہیں۔ یعنی اس میں جادوگروں کی شرارت سے پناہ مانگی گئی ہے۔ جادوگر، پڑھ پڑھ کر پھونک مارتے اور گرہ لگاتے جاتے ہیں۔ عام طور پر جس پر جادو کرنا ہوتا ہے اس کے بال یا کوئی چیز حاصل کرکے اس پر یہ عمل کیا جاتا ہے۔