سورة العاديات - آیت 1

وَالْعَادِيَاتِ ضَبْحًا

ترجمہ مکہ - مولانا جوناگڑھی صاحب

ہانپتے ہوئے دوڑنے والے گھوڑوں کی قسم (١)

تفسیر احسن البیان - حافظ صلاح الدین یوسف رحمہ اللہ

1- عَادِيَاتٌ، عَادِيَةٌ کی جمع ہے۔ یہ عَدُوٌّ سے ہے جیسے غَزْوٌ ہے۔ غَازِيَاتٌ کی طرح اس کے واو کو بھی یا سے بدل دیاگیا ہے۔ تیز رو گھوڑے۔ ضَبْحٌ کے معنی بعض کے نزدیک ہانپنا اور بعض کے نزدیک ہنہنانا ہے۔ مراد وہ گھوڑے ہیں جو ہانپتے یا ہنہناتے ہوئےجہاد میں تیزی سے دشمن کی طرف دوڑتے ہیں