سورة ص - آیت 20
وَشَدَدْنَا مُلْكَهُ وَآتَيْنَاهُ الْحِكْمَةَ وَفَصْلَ الْخِطَابِ
ترجمہ مکہ - مولانا جوناگڑھی صاحب
اور ہم نے اس کی سلطنت کو مضبوط کردیا تھا (١) اور اسے حکومت دی تھی (٢) اور بات کا فیصلہ کرنا (٣)
تفسیر احسن البیان - حافظ صلاح الدین یوسف رحمہ اللہ
1- ہر طرح کی مادی اور روحانی اسباب کے ذریعے سے۔ 2- یعنی نبوت، اصابت رائے، قول سداد اور فعل صواب۔ 3- یعنی مقدمات کے فیصلے کرنے کی صلاحیت، بصیرت وتفقہ اور استدلال وبیان کی قوت۔