سورة الحج - آیت 58
وَالَّذِينَ هَاجَرُوا فِي سَبِيلِ اللَّهِ ثُمَّ قُتِلُوا أَوْ مَاتُوا لَيَرْزُقَنَّهُمُ اللَّهُ رِزْقًا حَسَنًا ۚ وَإِنَّ اللَّهَ لَهُوَ خَيْرُ الرَّازِقِينَ
ترجمہ مکہ - مولانا جوناگڑھی صاحب
اور جن لوگوں نے راہ خدا میں ترک وطن کیا پھر وہ شہید کردیئے گئے یا اپنی موت مر گئے (١) اللہ تعالیٰ انھیں بہترین رزق عطا فرمائے گا (٢) بیشک اللہ تعالیٰ روزی دینے والوں میں سب سے بہتر ہے (٣)۔
تفسیر احسن البیان - حافظ صلاح الدین یوسف رحمہ اللہ
1- یعنی اسی ہجرت کی حالت میں موت آگئی یا شہید ہوگئے۔ 2- یعنی جنت کی نعمتیں جو ختم نہ ہونگیں نہ فنا۔ 3- کیونکہ وہ بغیر حساب کے، بغیر استحقاق کے اور بغیر سوال کے دیتا ہے۔ علاوہ ازیں انسان بھی جو ایک دوسرے کو دیتے ہیں تو اسی کے دیئے ہوئے میں سے دیتے ہیں۔ اس لئے اصل رازق وہی ہے۔