سورة النازعات

فَإِذَا جَاءَتِ الطَّامَّةُ الْكُبْرَىٰ

پس جب وہ بڑی آفت (قیامت) آ جائے گی۔

انتہائی ہولناک لرزہ خیز لمحات «طَّامَّۃُ الْکُبْرَیٰ» سے مراد قیامت کا دن ہے اس لیے کہ وہ ہولناک اور بڑے ہنگامے والا دن ہو گا ۔ جیسے اور جگہ ہے «وَالسَّاعَۃُ اَدْہٰی وَاَمَرٰ» ۱؎ ‏‏‏‏(54-القمر:46) یعنی ’ قیامت بڑی سخت اور ناگوار چیز ہے ‘ ، اس دن ابن آدم اپنے بھلے برے اعمال کو یاد کرے گا اور کافی نصیحت حاصل کر لے گا ۔ جیسے اور جگہ ہے «یَوْمَیِٕذٍ یَّتَذَکَّرُ الْاِنْسَانُ وَاَنّٰی لَہُ الذِّکْرٰی» ۱؎ ‏‏‏‏(89-الفجر:23) یعنی ’ اس دن آدمی نصیحت حاصل کر لے گا لیکن آج کی نصیحت اسے کچھ فائدہ نہ دے گی ، لوگوں کے سامنے جہنم لائی جائے گی اور وہ اپنی آنکھوں سے اسے دیکھ لیں گے ‘ ۔