سورة الصافات - آیت 133

وَإِنَّ لُوطًا لَّمِنَ الْمُرْسَلِينَ

ترجمہ مکہ - مولانا جوناگڑھی صاحب

بیشک لوط (علیہ السلام) بھی پیغمبروں میں سے تھے۔

ابن کثیر - حافظ عماد الدین ابوالفداء ابن کثیر صاحب

قوم لوط علیہ السلام ایک عبرت کا مقام اللہ تعالیٰ کے بندے اور اس کے رسول لوط علیہ السلام کا بیان ہو رہا ہے کہ ’ انہیں بھی ان کی قوم نے جھٹلایا ۔ جس پر اللہ کے عذاب ان پر برس پڑے اور اللہ نے اپنے پیارے لوط علیہ السلام کو مع ان کے گھر والوں کے نجات دے دی ۔ لیکن ان کی بیوی غارت ہوئی قوم کے ساتھ ہی ہلاک ہوئی اور ساری قوم بھی تباہ ہوئی ۔ قسم قسم کے عذاب ان پر آئے اور جس جگہ وو رہتے تھے وہاں ایک بدبودار اور جھیل بن گئی جس کا پانی بدمزہ بدبو بد رنگ ہے جو آنے جانے والوں کے راستے میں ہی پڑی ہے ۔ تم تو دن رات وہاں سے آتے جاتے رہتے ہو اور اس خوفناک منظر اور بھیانک مقام کو صبح شام دیکھتے رہتے ہو ۔ کیا اس معائنہ کے بعد بھی عبرت حاصل نہیں کرتے اور سوچتے سمجھتے نہیں ہو ؟ کس طرح یہ برباد کر دیئے گئے ؟ ایسا نہ ہو کہ یہی عذاب تم پر بھی آ جائیں ‘ ۔