سورة الحجر - آیت 61

فَلَمَّا جَاءَ آلَ لُوطٍ الْمُرْسَلُونَ

ترجمہ مکہ - مولانا جوناگڑھی صاحب

جب بھیجے ہوئے فرشتے آل لوط کے پاس پہنچے۔

ابن کثیر - حافظ عماد الدین ابوالفداء ابن کثیر صاحب

دو حسین لڑکے یہ فرشتے نو جوان حسین لڑکوں کی شکل میں حضور لوط علیہ السلام کے پاس گئے ۔ تو لوط علیہ السلام نے کہا تم بالکل نا شناس اور انجان لوگ ہو ۔ تو فرشتوں نے راز کھول دیا کہ ہم اللہ کا عذاب لے کر آئے ہیں جسے آپ علیہ السلام کی قوم نہیں مانتی اور جس کے آنے میں شک شبہ کر رہی تھی ۔ ہم حق بات اور قطعی حکم لے کر آئے ہیں اور «مَا نُنَزِّلُ الْمَلَائِکَۃَ إِلَّا بِالْحَقِّ» ’ فرشتے حقانیت کے ساتھ ہی نازل ہوا کرتے ہیں ‘ ۱؎ (15-الحجر:8) اور ہم ہیں بھی سچے ۔ جو خبر آپ کو دے رہے ہیں وہ ہو کر رہے گی کہ آپ نجات پائیں اور آپ علیہ السلام کی یہ کافر قوم ہلاک ہوگی ۔