سورة الانعام

وَهُوَ الْقَاهِرُ فَوْقَ عِبَادِهِ ۚ وَهُوَ الْحَكِيمُ الْخَبِيرُ

اور وہی اللہ اپنے بندوں کے اوپر غالب ہے برتر ہے (١) اور وہی بڑی حکمت والا اور پوری خبر رکھنے والا ہے۔

ف 8 یہ بھی اس بات کی دلیل ہے کہ اللہ کے سوا کسی کو’’ ولی‘‘ نہیں بنانا چاہیے (رازی) یعنی عرش معلی پر جو تمام مخلوقات سے بالا ہے اہل حدیث اللہ تعالیٰ کے فوق الفوق ہونے کا عقیدہ رکھتے ہیں احادیث صحیحہ میں بھی اللہ تعالیٰ کے عرش پر ہونے کا بیان ہے اور یہ عرش آسمانوں کے اوپر ہے۔ ( وحیدی) ف9 صفات کمال دوہی ہیں قدرت اور علم پہلے جملہİوَهُوَ ٱلۡقَاهِرُ فَوۡقَ عِبَادِهِĬ میں کمال قدرت کی طرف اشارہ ہے اورİ ٱلۡحَكِيمُ ٱلۡخَبِيرُĬ سے کمال علم کا اثبات مقصود ہے۔ (رازی) یعنی اپنے احکام دینے میں حکمت والا اور اپنے بندوں کے معاملات اور ضروریات سے باخبر ہے !