سورة العصر - آیت 1

َالْعَصْرِ

ترجمہ مکہ - مولانا جوناگڑھی صاحب

زمانے کی قسم (١)

تفسیر اشرف الحواشی - محمد عبدہ الفلاح

ف 14 یہ ترجمہ اس لحاظ سے ہے کہ ” عصر“ کے معنی عصر کے وقت یا نماز کے بھی ہیں اور زمانہ کے بھی۔ بعض مفسرین نے زمانہ سے مراد خاص طور پر نبی ﷺ کا زمانہ لیا ہے۔ زمانہ کی قسم اس لحاظ سے کھائی کہ آگے جو حقیقت بیان کی جا رہی ہے اس کی سچائی پر زمانہ کے واقعات گواہ ہیں، اور عصر کی اس لحاظ سے کہ وہ بڑا بابرکت وقت ہے۔ اس میں رات اور دن کے فرشتے جمع ہوتے ہیں، یہاں تک کہ نبی ﷺ کا ارشاد ہے کہ جس سے عصر کی نماز قضا ہوگئی گویا اس سکا سب گھر بار لٹ گیا۔ (قرطبی وغیرہ)