سورة الإنسان - آیت 26

وَمِنَ اللَّيْلِ فَاسْجُدْ لَهُ وَسَبِّحْهُ لَيْلًا طَوِيلًا

ترجمہ جوناگڑھی - محمد جونا گڑھی

اور رات کے وقت اس کے سامنے سجدے کر اور بہت رات تک اس کی تسبیح کیا کر۔ (١)

تفسیر اشرف الہواشی - محمد عبدہ لفلاح

ف 12 یعنی تہجد کی نماز پڑھئے۔ یہ حکم استحباب کے لئے ہے، اگر یہ کہا جائے کہ تہجد کی نماز نبی (ﷺ)پر بھی فرض نہ تھی بلکہ عام مسلمانوں کی طرح صرف نفل تھی۔ یا یہ حکم صرف نبی (ﷺ)کے لئے ہے، اگر یہ کہا جائے کہ تہجد کی نماز آپ (ﷺ)پر فرض تھی۔