سورة المدثر - آیت 56

وَمَا يَذْكُرُونَ إِلَّا أَن يَشَاءَ اللَّهُ ۚ هُوَ أَهْلُ التَّقْوَىٰ وَأَهْلُ الْمَغْفِرَةِ

ترجمہ جوناگڑھی - محمد جونا گڑھی

اور وہ اس وقت نصیحت حاصل کریں گے جب اللہ تعالیٰ چاہے (١) وہ اسی لائق ہے کہ اس سے ڈریں اور اس لائق بھی کہ وہ بخشے (٢)۔

تفسیر اشرف الہواشی - محمد عبدہ لفلاح

ف 8 کیونکہ ایمان کی توفیق دینے والا وہی ہے۔ ف 9 حضرت انس سے روایت ہے کہ آنحضرت (ﷺ)نے یہ آیت تلاوت کی اور فرمایا : تمہارے رب کا ارشاد ہے کہ میں ہی اس لائق ہوں کہ مجھ سے ڈرا جائے اور میرے علاوہ کسی کو معبود نہ بنایا جائے۔ لہٰذا جو شخص بھی یہ دونوں کام کرے گا تو میں ہی اس لائق ہوں کہ اسے بخش دوں۔ (شوکانی)