سورة ق - آیت 35

لَهُم مَّا يَشَاءُونَ فِيهَا وَلَدَيْنَا مَزِيدٌ

ترجمہ جوناگڑھی - محمد جونا گڑھی

یہ وہاں جو چاہیں انہیں ملے گا (بلکہ) ہمارے پاس اور بھی زیادہ ہے۔ (٤)

تفسیر اشرف الہواشی - محمد عبدہ لفلاح

ف 6 یعنی جوکچھ وہ چاہیں گے وہ تو انہیں ملے گا ہی اس کے علاو ہ ہم انہیں اتنا کچھ اور دیں گے جس کا تصور تک ان کے ذہن میں نہیں آیا کہ وہ اس کی خواہش کریں ۔ یا ” مزید“ سے مراد دیدار الٰہی ہے جیسا کہ دوسری جگہ فرمایا İلِلَّذِينَ ‌أَحْسَنُوا الْحُسْنَى وَزِيَادَةٌ Ĭ جنہوں نے نیکی کی ان کو بھلائی ملے گی اور کچھ بڑھ کر بھی (یونس 26 )حضرت انس(رض) فرماتے ہیں کہ اللہ تعالیٰ ہر روز انہیں اپنی تجلی سے نوازے گا۔ (ابن کثیر)