سورة الدخان

كَذَٰلِكَ ۖ وَأَوْرَثْنَاهَا قَوْمًا آخَرِينَ

اسی طرح ہوگیا (١) اور ہم نے ان سب کا وارث دوسری قوم کو بنا دیا (١)

ف 7’’ دوسرے لوگوں ‘‘کا لفظ اگرچہ عام ہے اور اسی لئے بعض مفسرین (رح) نے ان سے مصر کے دوسرے لوگ مراد لئے ہیں، لیکن صحیح یہ ہے کہ ان سے مراد بنی اسرائیل ہی ہیں جیسا کہ سورۂ شعراء میں ہے İ كَذَلِكَ وَأَوْرَثْنَاهَا بَنِي إِسْرَائِيلَ Ĭ اسی طرح، اور ہم نے بنی اسرائیل کو اس کا وارث بنا دیا( آیت 59) نیز دیکھئے سورۃ اعراف ( آیت 137) شاہ صاحب (رح) بھی لکھتے ہیں، یعنی بنی اسرائیل کو، جیسے سورۃ شعراء سے معلوم ہوتا ہے فرعون کے غرق ہوئے پیچھے بنی اسرائیل کا دخل ہوا مصر میں۔ ( مو ضح) ایک مطلب یہ بھی ممکن ہے کہ فراعنہ کی شان و شوکت کا وارث بنی اسرائیل کو بنایا، واللہ اعلم۔