سورة فصلت - آیت 49

لَّا يَسْأَمُ الْإِنسَانُ مِن دُعَاءِ الْخَيْرِ وَإِن مَّسَّهُ الشَّرُّ فَيَئُوسٌ قَنُوطٌ

ترجمہ جوناگڑھی - محمد جونا گڑھی

بھلائی کے مانگنے سے انسان تھکتا نہیں اور اگر اسے کوئی تکلیف پہنچ جائے تو مایوس اور ناامید ہوجاتا ہے (١)۔

تفسیر اشرف الہواشی - محمد عبدہ لفلاح

ف 5” خیر“ (بھلائی) سے مراد مال و دولت اور خوشحالی وغیرہ ہے جس کی ہوس سے صرف انبیاء ( علیہ السلام) اور اس کے مخصوص نیک بندے ہی مستثنیٰ ہیں۔ ف 6 جیسے تنگدستی یا بیماری وغیرہ۔ ف 7 اور منہ سے نا شکری کے کلمات نکالنے لگتا ہے۔