سورة فاطر - آیت 24

إِنَّا أَرْسَلْنَاكَ بِالْحَقِّ بَشِيرًا وَنَذِيرًا ۚ وَإِن مِّنْ أُمَّةٍ إِلَّا خَلَا فِيهَا نَذِيرٌ

ترجمہ جوناگڑھی - محمد جونا گڑھی

ہم نے ہی آپ کو حق دے کر خوشخبری سنانے والا اور ڈر سنانے والا بنا کر بھیجا ہے اور کوئی امت ایسی نہیں ہوئی جس میں کوئی ڈر سنانے والا نہ گزرا ہو۔

تفسیر اشرف الہواشی - محمد عبدہ لفلاح

ف 11 یعنی اطاعت گزاروں کو جنت کی خوشخبری دینے والا اور نافرمانوں کو خدا کے عذاب سے ڈرانے والا۔ ف 12 ڈرانے والا، خواہ نبی ہو، خواہ جو نبی کی راہ پر ہو۔ اس آیت سے معلوم ہوا کہ ہر قوم اور ہر ملك میں ڈر سنانےوالے ہو گزرے ہیں۔ ( دیکھئے سورۃ رعد آیت 7 سورۃ نحل : 36)