سورة المؤمنون - آیت 6

إِلَّا عَلَىٰ أَزْوَاجِهِمْ أَوْ مَا مَلَكَتْ أَيْمَانُهُمْ فَإِنَّهُمْ غَيْرُ مَلُومِينَ

ترجمہ جوناگڑھی - محمد جونا گڑھی

بجز اپنی بیویوں اور ملکیت کی لونڈیوں کے یقیناً یہ ملامتیوں میں سے نہیں ہیں۔

تفسیر اشرف الہواشی - محمد عبدہ لفلاح

ف5۔ اس سے معلوم ہوا کہ اسلام میں جس طرح بیوی سے تعلق رکھنا جائز ہے اسی طرح لونڈی سے تعلق رکھنا بھی جائز ہے۔ علاوہ ازیں شہوت رانی حرام ہے۔ لہٰذا نکاح متعہ بھی حرام ہے۔ گو بعض موقعوں پر اس کی اجازت دی گئی تاہم بعد میں ہمیشہ کے لئے حرام قرار دے دیا گیا کیونکہ جس عورت سے متعہ کیا جائے اس پر زوجہ کا اطلاق نہیں ہو سکتا۔ نیز دیکھئے سورۃ نساء آیت 24۔ امام شافعی (رح) اور دیگر علما نے اس آیت سے استمنا کی حرمت پر بھی استدلال کیا ہے کیونکہ ان کو عَادُونَحد سے متجاوز کرنے والے قرار دیا ہے۔ (ابن کثیر، قرطبی)