سورة المؤمنون - آیت 4

وَالَّذِينَ هُمْ لِلزَّكَاةِ فَاعِلُونَ

ترجمہ مکہ - مولانا جوناگڑھی صاحب

جو زکوٰۃ ادا کرنے والے ہیں (١)

تفسیر اشرف الحواشی - محمد عبدہ الفلاح

4۔ یعنی زکوٰۃ ادا کرنا ان کی عادت ہے۔ اگر کہا جائے کہ یہ آیت مکی ہے حالانکہ زکوٰۃ کی فرضیت 3 ھ میں مدینہ میں ہوئی تو اس کا جواب یہ ہے کہ اصل زکوٰۃ مکہ میں فرض تھی مدینہ میں اس کا نصاب اور شرح مقرر ہوئی۔ جیسا کہ سورۂ انعام میں فرمایا گیا : واتوا حقہ یوم حصادہ“ اور کٹائی کے دن فصل کا حق ادا کرو حالانکہ سورۃ انعام بھی مکی ہے۔ بعض مفسرن نے یہاں ” زکوٰۃ“ کو طہارت (پاکیزگی) کے معنی میں لیا ہے۔ اگر یہ مراد ہو تو اس کے مفہوم کو عام رکھا جائے گا جس میں بدن، مال اور نفس ہر چیز کو پاک رکھنا شامل ہے۔ (ابن کثیر)