سورة طه - آیت 15

إِنَّ السَّاعَةَ آتِيَةٌ أَكَادُ أُخْفِيهَا لِتُجْزَىٰ كُلُّ نَفْسٍ بِمَا تَسْعَىٰ

ترجمہ جوناگڑھی - محمد جونا گڑھی

قیامت یقیناً آنے والی ہے جسے میں پوشیدہ رکھنا چاہتا ہوں تاکہ ہر شخص کو وہ بدلہ دیا جائے جو اس نے کوشش کی ہو۔

تفسیر اشرف الہواشی - محمد عبدہ لفلاح

ف 2 یعنی قیامت کے آنے کا وقت اس لئے پوشیدہ رکھا گیا ہے کہ جس آزمائش کے لئے انسان کو دنیا میں بھیجا گیا ہے اس کا مدعا پورا ہو اور ہر شخص کو اپنے کئے کا ٹھیک ٹھیک بدلہ ملے گویا اس کے مخفی رکھنے کی حکمت ” سعی کی جزا“ ہے۔ اس صورت میں ” لِتُجۡزَىٰ “ جار مجرور ” أُخۡفِيهَا “ کے متعلق ہوگا نہ کہ ” ءَاتِيَةٌ “ کے (شوکانی)