سورة مريم - آیت 29

فَأَشَارَتْ إِلَيْهِ ۖ قَالُوا كَيْفَ نُكَلِّمُ مَن كَانَ فِي الْمَهْدِ صَبِيًّا

مریم نے اپنے بچے کی طرف اشارہ کیا۔ سب کہنے لگے کہ لو بھلا ہم گود کے بچے سے باتیں کیسے کریں؟

ف 7 ان الفاظ سے صاف پتا چلتا ہے کہ آگے حضرت عیسیٰ کی جو گفتگو بیان کی جا رہی ہے وہ ان کے بچپنے کی گفتگو ہے جو انہوں نے گود یا گہوارے میں کی۔( ایضا سورۃ آل عمران 26) اور صحیح بخاری میں ہے کہ تین بچوں نے گہوارے میں گفتگوکی جن میں ایک حضرت عیسیٰ بھی ہیں ۔بعض نے لکھا ہےکہ حضرت عیسیٰ کی یہ گفتگوجوانی کے وقت کی ہے اور انہوں نے ’ فِي ٱلۡمَهۡدِ صَبِيّٗاکا ترجمہ کل کا بچہ کیا ہے مگر یہ تاویل مہمل سی ہے جو واقعات اور محاورہ کے خلاف ہے۔