سورة الإسراء - آیت 106

وَقُرْآنًا فَرَقْنَاهُ لِتَقْرَأَهُ عَلَى النَّاسِ عَلَىٰ مُكْثٍ وَنَزَّلْنَاهُ تَنزِيلًا

ترجمہ جوناگڑھی - محمد جونا گڑھی

قرآن کو ہم نے تھوڑا تھوڑا کر کے اس لئے اتارا (١) ہے کہ آپ اسے بہ مہلت لوگوں کو سنائیں اور ہم نے خود بھی اسے بتدریج نازل فرمایا۔

تفسیر اشرف الہواشی - محمد عبدہ لفلاح

ف 4 یعنی اس کی سورتیں اور آیتیں جدا جدا رکھیں ف 5 تاکہ اس کے پڑھنے یاد کرنے اور اس پر عمل کرنے میں آسانی ہو اور اس کے مطالب موقع ومحل کے اعتبار سے ذہن نشین ہوجائیں اور آئندہ کسی آیت کے بے موقع استعمال کی گنجائش باقی نہ رہے۔