سورة یونس - آیت 53
وَيَسْتَنبِئُونَكَ أَحَقٌّ هُوَ ۖ قُلْ إِي وَرَبِّي إِنَّهُ لَحَقٌّ ۖ وَمَا أَنتُم بِمُعْجِزِينَ
ترجمہ جوناگڑھی - محمد جونا گڑھی
اور وہ آپ سے دریافت کرتے ہیں کیا عذاب واقعی سچ ہے؟ (١) آپ فرما دیجئے کہ ہاں قسم ہے میرے رب کی وہ واقعی سچ ہے اور تم کسی طرح اللہ کو عاجز نہیں کرسکتے۔
تفسیر اشرف الہواشی - محمد عبدہ لفلاح
ف 2۔ جب کفار کو ان کے سوال ” مَتَىٰ هَٰذَا ٱلۡوَعۡدُ “ کا مذکورہ جواب دیا گیا تو انہوں نے اسی سلسلہ میں آنحضرت ﷺ سے دوبارہ سوال کیا ” أَحَقٌّ هُوَ“ کہ کیا یہ عذاب برحق ہے۔ اس کے جواب میں فرمایا : قُلۡ إِي وَرَبِّي مطلب یہ ہے کہ عذاب برحق ہے اور تم ہمارے عذاب سے بھاگ کر کہیں نہیں جاسکتے اور نہ اس کو کسی طور روک سکتے ہو۔ (کبیر)۔