سورة الاعراف - آیت 140

قَالَ أَغَيْرَ اللَّهِ أَبْغِيكُمْ إِلَٰهًا وَهُوَ فَضَّلَكُمْ عَلَى الْعَالَمِينَ

ترجمہ جوناگڑھی - محمد جونا گڑھی

فرمایا کیا اللہ تعالیٰ کے سوا اور کسی کو تمہارا معبود تجویز کردوں؟ حالانکہ اس نے تم کو تمام جہان والوں پر فوقیت دی ہے (١)

تفسیر اشرف الہواشی - محمد عبدہ لفلاح

ف 4 اس آیت میں بھی ان کے مطالبہ کی تر دید اور انکار و توبیخ کے اسلوب میں اس پر اظہار تعجب ہے ( رازی) یعنی الٰہ (معبود) کوئی ایسی ہستی نہیں ہو سکتی کہ انسان جسے جی چاہے بنالے بلکہ معبود تو وہی ہو سکتا ہے جو انسان کو ہر قسم کے انعامات سے نوازتارہے اور پھر جس ذات نے تم پر انعامات کئے اور تمہیں تمام عالم پر فضیلت بخشی ہے کیااب اس کی شکر گزاری یہی ہے کہ اسے چھوڑ کردوسروں کی پوجا کرنے لگو؟ یہ شکرگزاری نہیں بلکہ عین ناشکری اور نمک حرامی ہے۔