سورة البقرة - آیت 101

وَلَمَّا جَاءَهُمْ رَسُولٌ مِّنْ عِندِ اللَّهِ مُصَدِّقٌ لِّمَا مَعَهُمْ نَبَذَ فَرِيقٌ مِّنَ الَّذِينَ أُوتُوا الْكِتَابَ كِتَابَ اللَّهِ وَرَاءَ ظُهُورِهِمْ كَأَنَّهُمْ لَا يَعْلَمُونَ

ترجمہ جوناگڑھی - محمد جونا گڑھی

جب کبھی ان کے پاس اللہ کا کوئی رسول ان کی کتاب کی تصدیق کرنے والا آیا، ان اہل کتاب کے ایک فرقہ نے اللہ کی کتاب کو اس طرح پیٹھ پیچھے ڈال دیا کہ جانتے ہی نہ تھے۔ (١)

تفسیر اشرف الہواشی - محمد عبدہ لفلاح

ف 6: یعنی تورات اور دیگر آسمانی کتب ’’ لِمَا مَعَهُمْ ‘‘ میں نبی آخرالز مان کے جواوصاف مذکور تھے وہ سب آنحضرت (ﷺ) میں موجود تھے۔ اس اعتبار سے آنحضرت(ﷺ) تورات اور لِمَا مَعَهُمْکے مصداق تھے مگر یہود کی بد نصیبی کہ انہوں نے آنحضرت (ﷺ) کی تکذیب کر کے تورات کو پس پشت ڈال دیا۔ گو یا اپنی کتاب کا بھی پتہ نہیں۔ (ابن کثیر )