انس رضی اللہ عنہ سے روایت ہے کہ نبی صلی اللہ علیہ وسلم نے اُبی بن کعب رضی اللہ عنہ سے فرمایا : (( إِنَّ اللّٰهَ أَمَرَنِيْ أَنْ أَقْرَأَ عَلَيْكَ : ﴿لَمْ يَكُنِ الَّذِيْنَ كَفَرُوْا﴾ قَالَ وَسَمَّانِيْ؟ قَالَ نَعَمْ، فَبَكٰی)) [بخاري، التفسیر، سورۃ : ﴿لم یکن﴾ : ۴۹۵۹ ]’’اللہ تعالیٰ نے مجھے حکم دیا ہے کہ میں تمھیں ’’ لَمْ يَكُنِ الَّذِيْنَ كَفَرُوْا ‘‘ پڑھ کر سناؤں۔‘‘ اُبی رضی اللہ عنہ نے کہا : ’’اور کیا اللہ نے میرا نام بھی لیا ہے؟‘‘ آپ نے فرمایا : ’’ہاں!‘‘ تو اُبی رضی اللہ عنہ (یہ سن کر خوشی سے) رونے لگے۔‘‘