سورة الشمس - آیت 10

وَقَدْ خَابَ مَن دَسَّاهَا

ترجمہ فہم القرآن - میاں محمد جمیل

اور ناکام ہوا وہ شخص جس نے اس کو آلودہ کر لیا

تفسیر القرآن کریم (تفسیر عبدالسلام بھٹوی) - حافظ عبدالسلام بن محمد

وَ قَدْ خَابَ مَنْ دَسّٰىهَا: ’’دَسَّا‘‘ ’’دَسَّ يَدُسُّ دَسًّا‘‘ (ن) سے مبالغے کے لیے باب تفعیل ہے، معنی ہے مٹی میں دبا دینا، یہ اصل میں ’’دَسَّسَ‘‘ تھا، دوسرے سین کو الف کر دیا، جیسے ’’تَقَضَّضَ الْبَازِيْ‘‘ (باز شکار پر ٹوٹ پڑا) کو ’’تَقَضَّي الْبَازِيْ‘‘ کہہ دیتے ہیں۔ اسی طرح اللہ تعالیٰ کا فرمان ہے: ﴿ اَمْ يَدُسُّهٗ فِي التُّرَابِ ﴾ [النحل:۵۹] ’’یا اسے مٹی میں دبا دے۔‘‘