سورة البلد

فَلَا اقْتَحَمَ الْعَقَبَةَ

مگر اس نے دشوار گھاٹی سے گزرنے کی ہمت نہ کی

فَلَا اقْتَحَمَ الْعَقَبَةَ : اللہ تعالیٰ نے انسان کو جو مال کی نعمت عطا فرمائی ہے اس کا تقاضا یہ نہ تھا کہ اسے ناحق اڑاتا، بلکہ یہ تھا کہ وہ بلندیاں جو سخت جدو جہد سے حاصل ہوتی ہیں انھیں سر کرنے کے لیے مشکل گھاٹی میں بے دریغ گھس جاتا، مگر اس نے اس مشکل گھاٹی میں گھسنے کی جرأت ہی نہیں کی۔ مشکل گھاٹی اس لیے فرمایا کہ نفس کو ان کاموں کا سرانجام دینا دشوار ہوتا ہے۔ ’’ الْعَقَبَةَ ‘‘ کے معنی ہیں گھاٹی، پہاڑ پر چڑھنے کا مشکل راستہ۔