سورة القلم - آیت 19

فَطَافَ عَلَيْهَا طَائِفٌ مِّن رَّبِّكَ وَهُمْ نَائِمُونَ

ترجمہ فہم القرآن - میاں محمد جمیل

وہ رات کو سوئے پڑے تھے کہ تمہارے رب کی طرف سے ایک آفت اس باغ پر پھر گئی

تفسیر القرآن کریم (تفسیر عبدالسلام بھٹوی) - حافظ عبدالسلام بن محمد

فَطَافَ عَلَيْهَا طَآىِٕفٌ مِّنْ رَّبِّكَ....: ’’ طَآىِٕفٌ ‘‘ پھر جانے والا، چکر لگانے والا۔ مراد اللہ کی طرف سے اچانک عذاب ہے جس کے ایک ہی چکر سے باغ کا نام و نشان مٹ گیا، یعنی رات باغ کو آگ لگ گئی اور صبح زمین صاف تھی، جس طرح کھیتی کٹنے کے بعد ہوتی ہے۔