سورة يس - آیت 11

إِنَّمَا تُنذِرُ مَنِ اتَّبَعَ الذِّكْرَ وَخَشِيَ الرَّحْمَٰنَ بِالْغَيْبِ ۖ فَبَشِّرْهُ بِمَغْفِرَةٍ وَأَجْرٍ كَرِيمٍ

ترجمہ فہم القرآن - میاں محمد جمیل

آپ اسی شخص کو خبردار کرسکتے ہیں جو نصیحت کی پیروی کرتا اور بغیر دیکھے رحمان سے ڈرتا ہے، اسے مغفرت اور اجر کریم کی بشارت دے دیں۔

تفسیر القرآن کریم (تفسیر عبدالسلام بھٹوی) - حافظ عبدالسلام بن محمد

اِنَّمَا تُنْذِرُ مَنِ اتَّبَعَ الذِّكْرَ ....: یعنی آپ کے ڈرانے کا فائدہ صرف ان لوگوں کو ہو گا جو نصیحت سنیں اور اسے مان کر اس پر عمل کریں۔ ’’ وَ خَشِيَ الرَّحْمٰنَ بِالْغَيْبِ ‘‘ کی تفسیر کے لیے دیکھیے سورۂ فاطر (۱۸) ’’ بِمَغْفِرَةٍ ‘‘ کی تنوین تعظیم کے لیے ہے۔