سورة الشعراء

قَالُوا إِنَّمَا أَنتَ مِنَ الْمُسَحَّرِينَ

انہوں نے جواب دیا تو جادو کیا گیا شخص ہے۔ (١٥٣)

قَالُوْا اِنَّمَا اَنْتَ مِنَ الْمُسَحَّرِيْنَ: ’’ مَسْحُوْرِيْنَ‘‘ جن پر جادو کیا گیا ہو۔ ’’ الْمُسَحَّرِيْنَ‘‘ باب تفعیل سے ہے، اس میں مبالغہ ہے، اس لیے ترجمہ کیا گیا ہے ’’تو تو انھی لوگوں سے ہے جن پر زبردست جادو کیا گیا ہے۔‘‘ جب وہ لوگ صالح علیہ السلام کی دعوت پر کوئی اعتراض نہ کر سکے تو عامۃ الناس کو بے وقوف بنانے کے لیے کہنے لگے، زبردست جادو کی وجہ سے تیری عقل ماری گئی ہے۔