وَنَادَىٰ أَصْحَابُ الْأَعْرَافِ رِجَالًا يَعْرِفُونَهُم بِسِيمَاهُمْ قَالُوا مَا أَغْنَىٰ عَنكُمْ جَمْعُكُمْ وَمَا كُنتُمْ تَسْتَكْبِرُونَ
” اور اعراف والے کچھ لوگوں کو آواز دیں گے جنہیں وہ ان کی نشانی سے پہچانتے ہوں گے۔ کہیں گے تمہارے کام نہ تمہاری جماعت آئی اور نہ تمہارا بڑا پن کام آیا۔ (٤٨)
1۔ يَعْرِفُوْنَهُمْ بِسِيْمٰىهُمْ: کہ یہ جہنمی ہیں، یا جن کو وہ دنیا میں پہچانتے ہوں گے۔ 2۔ مَاۤ اَغْنٰى عَنْكُمْ جَمْعُكُمْ: رسول اﷲ صلی اللہ علیہ وسلم نے فرمایا : ’’قیامت کے دن اہل نار میں سے اس شخص کو لایا جائے گا جو دنیا میں سب سے زیادہ خوش حال تھا، پھر اسے آگ میں ایک غوطہ دیا جائے گا، پھر کہا جائے گا : ’’اے ابن آدم ! تو نے کبھی کوئی آرام دیکھا تھا؟‘‘ وہ کہے گا : ’’نہیں، اﷲ کی قسم ! اے میرے رب!‘‘ [ مسلم، صفات المنافقین واحکامہم، باب صبغ أنعم أہل الدنیا فی النار....: ۲۸۰۷ ]