سورة المآئدہ - آیت 57

يَا أَيُّهَا الَّذِينَ آمَنُوا لَا تَتَّخِذُوا الَّذِينَ اتَّخَذُوا دِينَكُمْ هُزُوًا وَلَعِبًا مِّنَ الَّذِينَ أُوتُوا الْكِتَابَ مِن قَبْلِكُمْ وَالْكُفَّارَ أَوْلِيَاءَ ۚ وَاتَّقُوا اللَّهَ إِن كُنتُم مُّؤْمِنِينَ

ترجمہ فہم القرآن - میاں محمد جمیل

” اے لوگو ! جو ایمان لائے ہو ان لوگوں کو دوست نہ بناؤ جنہوں نے تمہارے دین کو مذاق اور کھیل بنالیا ان لوگوں میں سے جنہیں تم سے پہلے کتاب دی گئی ہے اور نہ ہی دوسرے کافروں کو اور اللہ سے ڈرو، اگر تم ایمان والے ہو۔ (٥٧)

تیسیر الرحمن لبیان القرآن - محمد لقمان السلفی رحمہ اللہ

80۔ اس آیت کریمہ میں مسلمانوں کو بطور تاکید دیگر اقسام کے دشمنان اسلام کی دوستی سے بھی روکا گیا ہے، ان سے کہا گیا ہے کہ جو یہود و نصاری اور مشرکین شریعت اسلامیہ کا مذاق اڑاتے ہیں اور اسے کھلونا بھی سمجھتے ہیں ان سے مسلمان دوستی نہ کریں، اور اس بارے میں اللہ سے ڈرتے رہیں، کیونکہ ایمان کا یہی تقاضا ہے