سورة النازعات - آیت 10

يَقُولُونَ أَإِنَّا لَمَرْدُودُونَ فِي الْحَافِرَةِ

ترجمہ فہم القرآن - میاں محمد جمیل

وہ کہتے ہیں کہ کیا واقعی ہم واپس لٹائے جائیں گے؟

تفسیرتیسیرارحمٰن - محمد لقمان سلفی

(10) جو مشرکین مکہ بعث بعدالموت کا انکار کرتے تھے ان کی حالت بیان کی گئی ہے کہ جب ان سے کہا جاتا ہے کہ تم لوگ دوبارہ زندہ کئے جاؤ گے تو انہیں اس بات سے شدید حیرت ہوتی ہے اور کہتے ہیں یہ بالکل غیر معقول ہے کہ مرنے سے پہلے ہماری جو حالت تھی، مرنے کے بعد دوبارہ پھر اسی حال میں لوٹا دیئے جائیں گے، یعنی زندہ کئے جائیں گے۔