سورة المرسلات - آیت 46

كُلُوا وَتَمَتَّعُوا قَلِيلًا إِنَّكُم مُّجْرِمُونَ

ترجمہ فہم القرآن - میاں محمد جمیل

تھوڑے دن کھاؤ اور مزے کرو حقیقت میں تم لوگ مجرم ہو

تفسیر تیسیر الرحمن لبیان القرآن - محمد لقمان سلفی صاحب

(12) مشرکین مکہ سے بطور دھمکی کہا جا رہا ہے کہ اے مجرمین ! کھاؤ پیو اور تھوڑے دنوں کے لئے خوب عیش کرلو، عنقریب تم اپنے انجام کو پہنچنے والے ہو چنانچہ اکثر صنادید قریش میدان بدر میں مارے گئے اور قیامت کے دن ان کا ٹھکانا جہنم ہوگا اسی لئے اللہ تعالیٰ نے ان کے بارے میں فرمایا کہ ہلاکت و بربادی ہوگی تم جیسوں کے لئے جو اللہ اس کے رسول، اس کی کتاب اور روز آخرت کو جھٹلاتے ہیں۔