سورة الإنسان - آیت 28

نَّحْنُ خَلَقْنَاهُمْ وَشَدَدْنَا أَسْرَهُمْ ۖ وَإِذَا شِئْنَا بَدَّلْنَا أَمْثَالَهُمْ تَبْدِيلًا

ترجمہ فہم القرآن - میاں محمد جمیل

ہم نے ہی ان کو پیدا کیا ہے اور ان کے جوڑ مضبوط کیے ہیں، اور ہم جب چاہیں تو ان کی جگہ ان جیسے اور لوگ لے آئیں

تفسیر تیسیر الرحمن لبیان القرآن - محمد لقمان سلفی صاحب

(15) اللہ تعالیٰ نے فرمایا کہ انہیں ہم نے پیدا کیا ہے اور ان جسموں میں اعصاب، رگیں، ریشے اور ہڈیاں پیدا کر کے انہیں مضبوط بنایا ہے اور جب ہم نے انہیں پہلی بار ایسا بنایا ہے تو یقیناً ہم انہیں دوبارہ پیدا کرنے پر قادر ہیں، تاکہ ان کے اعمال کا انہیں بدلہ دیں اور ہم جب چاہیں اس پر بھی قادر ہیں کہ انہیں ہلاک کردیں اور ان کی جگہ انہی جیسی دوسری قوم کو لے آئیں، یا ان کی صورتوں کو مسخ کر کے انہیں غایت درجہ بد شکل بنا دیں۔