سورة الحاقة

فَمَا مِنكُم مِّنْ أَحَدٍ عَنْهُ حَاجِزِينَ

پھر تم میں سے کوئی ہمیں اس کام سے روکنے والا نہ ہوتا۔

(47)اور تم میں سے کوئی ہمیں ایسا کرنے سے نہ روک سکتا، لیکن اللہ نے ایسا نہیں کیا، بلکہ اس نے اپنے رسول (ﷺ) کے معجزات کے ذریعہ تائید کی، قرآن نازل کر کے ان کی صداقت کی دلیل پیش کی دشمنوں کے خلاف ان کی مدد فرمائی اور ان کے ممالک کا آپ کو مالک بناد یا یہ ساری باتیں دلیل ہیں کہ نبی کریم (ﷺ) نے اپنی طرف سے قرآن میں ایک جملہ کا بھی اضافہ نہیں کیا، بلکہ قرآن کا ایک ایک کلمہ کلام الٰہی ہے۔