سورة الواقعة

وَأَصْحَابُ الْيَمِينِ مَا أَصْحَابُ الْيَمِينِ

اور دائیں بازو والے، دائیں بازو والوں کا کیا کہنا

(9) اب ان اہل جنت کا ذکر ہو رہا ہے جنہیں اللہ تعالیٰ نے کہا ہے، جنہیں عرش کے دائیں جانب جگہ ملے گی اور جن کے نامہ ہائے اعمال ان کے دائیں ہاتھوں میں ملیں گے۔ اللہ تعالیٰ نے فرمایا کہ ان دائیں جانب والوں کا کیا پوچھتے ہو، وہ تو بڑے اونچے لوگ ہوں گے اور ان کی سعادت و نیک بختی اوج ثریا کو پہنچی ہوگی۔