سورة الواقعة - آیت 20

وَفَاكِهَةٍ مِّمَّا يَتَخَيَّرُونَ

ترجمہ فہم القرآن - میاں محمد جمیل

اور ان کے سامنے ان کے پسندیدہ پھل پیش ہوں گے کہ جسے چاہیں چن لیں

تیسیر الرحمن لبیان القرآن - محمد لقمان السلفی رحمہ اللہ

اور وہ بچے انہیں ان کے پسندیدہ پھل پیش کریں گے۔ حافظ ابن کثیر لکھتے ہیں، یہ آیت دلیل ہے کہ آدمی کے لئے پھل چن چن کے کھانا جائز ہے اور اس کی تائید عکراش (رض) والی حدیث سے ہوتی ہے کہ آپ (ﷺ) کے پاس ثرید آیا، تو عکراش برتن کے ہر جانب سے لے کر کھانے لگے، آپ (ﷺ) نے ان کا ہاتھ پکڑ لیا اور کہا، عکراش ایک جگہ سے کھاؤ پھر آپ کے لئے کھجور لائی گئی تو عکراش اپنے سامنے سے کھانے لگے اور رسول اللہ (ﷺ) پلیٹ سے چن چن کرلینے لگے۔ آپ (ﷺ) نے فرمایا اے عکراش ! جہاں سے چاہو کھاؤ، اس لئے کہ ساری کھجوریں ایک طرح کی نہیں ہیں، اس حدیث کو ترمذی نے روایت کی ہے اور اسے غریب کہا ہے۔