سورة الرحمن - آیت 10

وَالْأَرْضَ وَضَعَهَا لِلْأَنَامِ

ترجمہ فہم القرآن - میاں محمد جمیل

اس نے مخلوق کے لیے زمین بنائی۔

تفسیرتیسیرارحمٰن - محمد لقمان سلفی

(6) آیت (7) میں اللہ تعالیٰ نے بیان فرمایا ہے اس نے آسمان کو چھت بنا کر اوپر اٹھا رکھا اور اس آیت میں کہا ہے کہ اس نے زمین کو پانی پر پھیلا دیا ہے اور اس پر بلند و بالا پہاڑوں کا کھونٹا گاڑ کر اسے ثابت بنا دیا ہے تاکہ اس کی نوع بہ نوع مخلوقات اس پر زندگی گذار سکیں۔