سورة الذاريات - آیت 46

وَقَوْمَ نُوحٍ مِّن قَبْلُ ۖ إِنَّهُمْ كَانُوا قَوْمًا فَاسِقِينَ

ترجمہ فہم القرآن - میاں محمد جمیل

اور ان سے پہلے ہم نے نوح کی قوم کو ہلاک کیا کیونکہ وہ نافرمان لوگ تھے

تیسیر الرحمن لبیان القرآن - محمد لقمان السلفی رحمہ اللہ

(18) فرعون، قوم عاد اور قوم ثمود سے پہلے نوح (علیہ السلام) کی قوم نے بھی سرکشی کی راہ اختیار کی اور اللہ کی طاعت و بندگی کا انکار کیا، تو اللہ تعالیٰ نے انہیں بھی ہلاک کردیا بے شک ان کی ہلاکت میں بھی ان کے بعد آنے والی قوموں کے لئے عبرت و موعظت ہے۔