سورة الذاريات - آیت 37

وَتَرَكْنَا فِيهَا آيَةً لِّلَّذِينَ يَخَافُونَ الْعَذَابَ الْأَلِيمَ

ترجمہ فہم القرآن - میاں محمد جمیل

ہم نے دردناک عذاب سے ڈرنے والوں کے لیے وہاں ایک نشانی چھوڑ دی

تفسیر تیسیر الرحمن لبیان القرآن - محمد لقمان سلفی صاحب

(13) اللہ تعالیٰ نے قوم لوط کی ہلاکت کے آثار زمین پر باقی رہنے دیا، تاکہ بعد میں آنے والی قومیں جو وہاں سے گذریں ان آثار کو دیکھ کر عبرت حاصل کریں، چنانچہ اب ان بستیوں کی جگہ کالا بدبو دار پانی بہتا ہے، جسے آج کل ” بحرمیت“ کہتے ہیں، بے شک ان آثار کو دیکھ کر ان لوگوں کو عبرت حاصل ہوتی ہے جو اللہ کے درد ناک عذاب سے ڈرتے ہیں۔