سورة الزخرف - آیت 26

وَإِذْ قَالَ إِبْرَاهِيمُ لِأَبِيهِ وَقَوْمِهِ إِنَّنِي بَرَاءٌ مِّمَّا تَعْبُدُونَ

ترجمہ فہم القرآن - میاں محمد جمیل

وہ وقت یاد کرو جب ابراہیم نے اپنے باپ اور اپنی قوم سے کہا کہ جن کی تم بندگی کرتے ہو میرا ان سے کوئی تعلق نہیں۔

تفسیرتیسیرارحمٰن - محمد لقمان سلفی

(10) اللہ تعالیٰ نے اپنے بندے اور رسول وخلیل ابراہیم (علیہ السلام) کا حال بیان کر کے اہل قریش کو دعوت فکر دی ہے کہ تم لوگ جس ابراہیم کی محبت کا دم بھرتے ہو، انہوں نے تو اپنے باپ دادوں کی تقلید سے اعلان برأت کردیا تھا اور کہہ دیا تھا کہ میں محض تمہاری تقلید میں تمہارے جھوٹے معبودوں کی عبادت نہیں کروں گا۔