سورة الشورى

وَالَّذِينَ إِذَا أَصَابَهُمُ الْبَغْيُ هُمْ يَنتَصِرُونَ

اور جب ان پر زیادتی کی جاتی ہے تو اس کا مقابلہ کرتے ہیں

اور جب کوئی باغی و طاغی کا فران پر چڑھ دوڑتا ہے تو اپنی عزت نفس کی خاطر اٹھ کھڑے ہوتے ہیں اور ظلم وتعدی کو قبول کرنے سے انکار کردیتے ہیں، اس لئے کہ مومن کی عزت نفس اور غیرت و خودی کا یہی تقاضا ہے اور اس لئے بھی کہ ظالم کو ظلم سے روک دینا اور اسے قبول حق پر مجبور کردینا اللہ کے نزدیک قابل ستائش صفت ہے۔ مفسرین لکھتے ہیں کہ اللہ کے جو نیک بندے مذکورہ بالا دسوں صفات کے ساتھ متصف ہوں گے، وہ اللہ کے فضل و کرم سے دنیا کی حلال نعمتوں سے بھی محرم نہیں ہوں گے، لیکن چونکہ جنت کے مقابلے میں ان کی کوئی حیثیت نہیں، اسی لئے صرف جنت اور اس کی نعمتوں کا ذکر کیا گیا ہے۔