سورة يس - آیت 75

لَا يَسْتَطِيعُونَ نَصْرَهُمْ وَهُمْ لَهُمْ جُندٌ مُّحْضَرُونَ

ترجمہ فہم القرآن - میاں محمد جمیل

وہ ان کی کوئی مدد نہیں کرسکتے بلکہ یہ لوگ الٹے ان کے لیے حاضر باش لشکر بنے ہوئے ہیں۔

تفسیرتیسیرارحمٰن - محمد لقمان سلفی

جبکہ حقیقت یہ ہے کہ وہ معبودان باطل ان کی مدد کی ذرہ برابر بھی قدرت نہیں رکھتے ہیں، بلکہ ان پجاریوں کو شیطان نے ان کی خدمت، دیکھ بھال اور عبادت کے لئے مقرر کردیا ہے : ﴿وَهُمْ لَهُمْ جُنْدٌ مُحْضَرُونَ﴾ کا ایک معنی یہ بھی بیان کیا گیا ہے کہ جہنم میں معبودوں کے بعد ان کے پجاری بھی ڈال دیئے جائیں گے۔