سورة النمل - آیت 67
وَقَالَ الَّذِينَ كَفَرُوا أَإِذَا كُنَّا تُرَابًا وَآبَاؤُنَا أَئِنَّا لَمُخْرَجُونَ
ترجمہ فہم القرآن - میاں محمد جمیل
” کافر کہتے ہیں کیا ہم اور ہمارے باپ دادا مٹی ہوچکے ہوں گے تو ہمیں قبروں سے نکالاجائے گا ؟ (٦٧)
تیسیر الرحمن لبیان القرآن - محمد لقمان السلفی رحمہ اللہ
(24) دل کے اندھے ہونے کی وجہ سے ہی مشرکین نے آخرت کا یکسر انکار کردیا اور کہا کہ کیا جب ہم اور ہمارے باپ دادے مرنے کے بعد گل سڑ کر مٹی ہوجائیں گے تو اپنی قبروں سے دوبارہ زندہ کر کے اٹھائے جائیں گے؟