سورة الحجر - آیت 6

وَقَالُوا يَا أَيُّهَا الَّذِي نُزِّلَ عَلَيْهِ الذِّكْرُ إِنَّكَ لَمَجْنُونٌ

ترجمہ فہم القرآن - میاں محمد جمیل

” انہوں نے کہا جس شخص پر قرآن نازل کیا گیا یقیناً وہ پاگل ہے۔“

تفسیرتیسیرارحمٰن - محمد لقمان سلفی

(5) کفار مکہ کا غایت استکبار و عناد بیان کیا جارہا ہے کہ وہ نبی کریم (ﷺ) پر پھبتیاں کستے تھے اور کہتے تھے کہ ارے اس بات کا دعوی کرنے والے کہ تم پر قرآن اترتا ہے تم تو نرے پاگل ہو کہ ہم سے اپنے آپ کو رسول منوانے کی بات کرتے ہو، اور دعوی کرتے ہو کہ آسمان سے تم پر وحی نازل ہوتی ہے۔